Arazo tekniko larria izan genuen igarotako ostiralean eta ezinezkoa izan zitzaigun irratsaio osoa grabatu. Saioko elkarrizketa berreskuratzeko aukera izan dugu eta jarraian duzue entzungai. Barka itzazu eragozpenak entzule.

Eskola publikoetako jantokietako langileak berriro borrokan daude. Baina borrokaldia aspaldian hasi baitzen, 2008/09 ikasturtean hitzarmen berriaren negoziaketarekin batera, hain zuzen ere. Hiru ikasturte borrokan; manifestazioak, kontzentrazioak, bilerak, asanbladak,… ezin zenbatu; eta 15 egun greban.

 

Hasieratik lan baldintzen hobekuntza eta zerbitzuaren kalitatea helburu nagusiak izan dira. Bide luze horretan Eusko Jaurlaritzan gobernu aldaketa eman zen baina agintari berriek, ez dute afera honekiko jarrera aldaketarik adierazi. Enpresek ere, tematuak dabiltza. Dirua leku beretik datorkie, aberastasuna banatzeko gogoa, aldiz, inondik ez. Gaurkoan Tina dugu gure artean, Barakaldoko Ibaibe ikastetxeko jantoki langilea eta ESK sindikatuko kide.

 

Artxiboa eskuratu

Iruzkinak (0)

Iruzkina idatz ezazu

Izena

Iruzkina

laburra | luzea

Iruzkin berria