“Jai arrotzei intsumisioa” lelopean, ezkerraldeko Ikasle Abertzaleko kideek herri eskolak antolatu zituzten atzo hilak 25. Hortaz, Portugaleteko Ballonti institutuan, 40 lagun inguru bildu ziren, eta, oso giro aproposean, ekimen ezberdinak burutu ziren. Goizeko 9 30tan geratuak ziren ikasleak, eta, Ballontira heltzerakoan, Ertzantzaren kotxe bat zain zegoen bertan. Hala ere, liskarririk ez zen egon, eta gazteek prestatutako ekimen ezberdinekin aurrera jarraitzeko aukera izan zuten.

Hasteko, elkar ezagutzeko hainbat joku planteatu zituzten. Geroago, bideo bat ikusi zuten eta, jada denok ezagututa, beste joku batzuk, oso dibertigarriak eta ondo pasatzekoak. Bertsoak ere bota zituzten, imaginazioz beterik. Hamaiketako ederra hartu zuten ostean, indarrak berreskuratzeko.

Azkenik, eztabaida emankor bat jardun zuten. Bertan, Euskal Herriko hezkuntzaren egoeraz hitz egin zen, baita euskararen erabileraz eta ofizialtasunaz, eta, egun hezkuntza sisteman ezarritako eredu kaskarretaz ere berba egin zen. Eztabaida honen ondorioz, eskola euskaldun baten alde borrokatzen jarraitu beharra argi nabarmendu zen. Hezkuntza sistema propio eta euskaldun hori “oztopo eta traba guztien gainetik” eraikiko dutenak ikasleak beraiek izan behar direla adostu zuten partehartzeileek.

Egunari amaiera emateko, eguerdi aldera, Portugaleteko Alde Zaharrean, “performance” bat antzeztu zen, non ikasle guztiek Guardia Zibilaz eta manifestari batzuen arteko parodia bat egin zuten. “Benetan ikusgarria eta dibertigarria”, azaldu zuten partehartzaileek.

Iruzkinak (1)

...

zehazki 47 gazte

pum , 2011/10/28

Iruzkina idatz ezazu

Izena

Iruzkina

laburra | luzea

Iruzkin berria