Duela 12 urtetik hona SASIBURU k, Barakaldoko Euskaldunon Elkarteak, egin ohi duen moduan, aurtengoan ere gure herriko ikaslegoaren matrikulazio datuak publikatu eta hoien hausnarketa zabaldu nahi izan du. Plazaratutako txostenean ikusiko duzuen moduan, ezagupena eta erabilerari buruz egin diren azken azterketak ere jaso dituzte Barakaldoko euskaltzaleek. Sasiburuko kideen aburuz beste herrialde batzuetan (Katalunian besteak beste)  erabiltzen duten "Murgiltze Sistema" izango litzateke eredurik egokiena ikasleek bi hizkuntza ofizialak ikas dezaten. "Bitartean Ereduen Sistema, gutxiagotua dagoen hizkuntzaren kalterako izango da" baieztatu dute.

Hona hemen elkarte euskaltzaleak bildutako datuetatik jasotako ondoriorik aipagarrienak:
 
-Gaur egun Barakaldoko Ikastetxeetan euskaldundu dezakeen eredu bakarrean (D eredua) soilik ikasleen % 26,86k ikasten du (3.134 ikasle)

-A eta B ereduan gainontzeko % 73,14ak (8.532 ikasle) ikasten du.

-Gure kalkuluen arabera D eredura eta azken 12 urteotako hedapena ikusita, D eredura ikasle guztiak igarotzeko (posiblea balitz) 76 urte beharko ziren.

Sabiburuko kideek azaldu duten moduan, datu hauek gezurtatzen dute gizartean oso zabalduta dagoen ideia bat: "egun ume guztiek ikasten dute euskaraz" eta herriko euskaltzaleentzako hausnarketarako gai garrantzitsua dela gaineratu nahi izan dute.

Comentarios

Añadir nuevo

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."